Hey’adda SCDO ayaa mashaariic waxbarasho oo lacag la’aan ah ka hirgelisay degmooyinka Gaalkacyo iyo Wisil ee dowlad goboleedka Galmudug State.

Hey’adda wadaniga ah ee marka magaceeda la soo gaabsho loo yaqaano SCDO ahna hey’add ka howlgasha dhinacyada biyaha sida dayacrirka ceelasha biyaha kuwii hore iyo ku cusub oo hada la qodaya , ayaa dhawaan qaaday tilaabo ku cusub degaanada Galmudug State.

 

Tilaabadaan ayaa ah in Hay’adda labo mashaariic waxbarasho oo loogu talo galay in dadka dadoodu ka wayn tahay 18 sano si lacag la,aan ah wax lagu baro degmooyinka Gaalkacyo iyo Wisil ee gobollada Mudug iyo Hobyo ka hirgelisay taas oo ah labo xarumood oo middiiba ay ku fadhido 40Mx40m lagana dhisay midkiiba afar fasal oo midkiiba ay wax ku baran karaan halkii marba min 40 qof oo isugu jira dumar iyo rag taas oo isku noqonaysa in waqtigaan 2daasi xarumood ay wax ka baranayaan 120 qof oo isugu jira qaybahaasi.

Labadan xarumood ayaa waxaa kaloo dhismo ahaan ka mid ah gidaar dhagax ah oo ku wareegsan iyo qaybihii kale oo dhismayaashaasi ku dhaqankooda lagamamaarmaanka ah.

Labadan mashruuc oo waxbarasho oo ay hirgelintooda Hay.adda SCDO ay gacan ka siisayHa,adda ADRA Dhaqaalaha ku baxayna ay bixisay Dowladda Noorway ayaa waxaa furitaankiisi waxaa hadallo ka jeediyeen Masuuliyiinka tirsan Hay,adda SCDO oo kala ah Xiriiriyaha Guud ee SCDO Mudane

Maxamed Cabdi Kaamil oo furay Mashruuca laga hirgeliyay Degmada Wisil ee Gobolka Hobyo halka Mashruuca Gaalkacyana uu furayn Agaasimaha SCDO ee Soomaaliya Mudane Mursal Xaashi Shirwac.

Masuuliyiintaan oo ay furitaankaan ay kala qayb galeen masuuliyiin kale oo ka tirsan Hay.adda SCDO oo ay ka mid yihiin Khaliif Cabdi Dhalac ,Ubax Yabaroow Shareey iyo Shariif Maxamuud Kaynaan Ayaa hadallo ay ka jeediyeen xafladahaasi waxaa ay ka warameen doorka ay horumarinta dadka deegaannada Dowlad goboleedka Gal -Mudug ay ka qaadanayaan mashaariicdaasi iyo ujeeddooyinka laga leeyahay oo ah in dadka deegaannadaasi loogu fidiyo markii ugu horraysay waxbarasho lacag la,aan ah iyadoo marka laga cirib tiro wax akhris qoris la,aanta ka dibna loogu talo galay in la baro xirfado waxbarasho oo ay ka mid yihiin fuundinimada,korontada,Cubuutan ka,Farayaamo Iyo qaybaha laysku yiraahdo dumaystikada..

Wisil.org Gaalkacyo-Mudug State